கவிஞர் மதுவந்திக்கு அஞ்சலி

 

கவிஞர் மதுவந்தி எனது 48 ஆண்டு கால நண்பர். இயற்பெயர், நா. வீரராகவன். மதுரைக்காரர், பின்னர் டெல்லிவாசி. நற்பண்புகள் மிகுந்தவர். பல நண்பர்களை ஈர்த்தவர். சமீபத்தில், ஆரோக்கியமான 67-வது வயதில் அவர் சட்டென மறைந்தார். அவருக்கு அஞ்சலியாக, துயரத்தில் எழுதப் பட்ட பாடல் இது. இதிலுள்ள இழப்புணர்வு பலருக்கும் வாழ்க்கையில் ஏற்பட்டிருக்கும்.

போய்விட்டாய் போய்விட்டாய் சொல்லாமல் போய்விட்டாய் வாழ்வின் பரிதாபத்தை நொடியில் காட்டிப் போய்விட்டாய்

உன் நாவின் இனிய சொற்களும் - உன் இதயம் தேக்கிய கனிவும் - உன் கண்ணில் ஊறும் நட்பும் - பாவி காலனை ஈர்த்துக் கொண்டதோ

நல்ல எழுத்தைப் பார்க்கும் நான் பகிர்ந்து மகிழ நீயில்லை நீ போற்றும் வரிகளை நான் – இனி பார்க்கப் போவதுமில்லை

சட்டென நீ சென்றவுடன் சுற்றம் வெறுமை ஆனதே - உன் அழகிய பண்புகள் யாவும் - எனை ஆற்றுப் படுத்துக நண்பனே

- ஆர். வி. ஆர் – Author: R. Veera Raghavan, Advocate, Chennai blog address: rvr-india.blogspot.com email: veera.rvr@gmail.com   பூபாளம், ஜூன்-ஜூலை 2026