தமிழே வணக்கம்

-- ஆர். வி. ஆர்

 

  

 

தமிழே வணக்கம் (பாடல்)

தமிழே தீந்தமிழே தாய்த் தமிழே வணக்கம் தமிழே தீந்தமிழே தாய்த் தமிழே வணக்கம்

உலகை நா செவியில் உணரச் செய்தாய் வணக்கம்

லழள என்றழகாய் எழுத்துடையாய் வணக்கம்

வல் மெல் இடையினத்தில் வீற்றிருப்பாய் வணக்கம்

கல் ஓலையில் ஊர்ந்து கணினி வந்தாய் வணக்கம்

தமிழே தீந்தமிழே தாய்த் தமிழே வணக்கம் தமிழே தீந்தமிழே தாய்த் தமிழே வணக்கம்

முச்சங்கத்தில் மூழ்கி முத்தெடுத்தாய்  வணக்கம்

வள்ளுவன் கம்பனுக்கும் வரம் அளித்தாய் வணக்கம்

நேராய் ஔவை மொழியினிலே நீதி சொன்னாய் வணக்கம்

பாரதி சொல்லில் புதிதாய் பொலிவடைந்தாய்  வணக்கம்

தமிழே தீந்தமிழே தாய்த் தமிழே வணக்கம் தமிழே தீந்தமிழே தாய்த் தமிழே வணக்கம்

சேர சோழ பாண்டியரின் சீர் சிறப்பே வணக்கம்

இயலிசை நாடகமே இன்னமுதே வணக்கம்

பிற மொழிகள் பிறந்த பயிர் நிலமே வணக்கம்

இறை சிந்தை உயிராய் இணைந்தவளே வணக்கம்

தமிழே தீந்தமிழே தாய்த் தமிழே வணக்கம் தமிழே தீந்தமிழே தாய்த் தமிழே வணக்கம்

 

* * * * *

 

Copyright © R. Veera Raghavan 2022