எஸ்.பி.பி-யின் பாட்டு. தமிழகத்தின் பாடு. தொடர்பு என்ன?

        -- ஆர்.வி.ஆர்

மறைந்த எஸ்.பி.பாலசுப்பிரமணியம் பின்னணிப் பாடல்களில் சிகரங்கள் தொட்டவர். அவரது  குரல் வளம் கோடிக்கணக்கான ரசிகர்களை வசீகரிக்கிறது.  

எஸ்.பி.பி-யின் தாய்மொழி தெலுங்கு. அந்த மொழியில் அவர் பல்லாயிர  பின்னணிப் பாடல்கள் பாடினார். கன்னடத்தில் பாடினார். தமிழிலும் வெளுத்துக் கட்டினார் மலையாளத்திலும் அவர் குரல் ஒலித்தது. ஹிந்திப் படங்களிலும் அவர் வெற்றி கண்டார் - அதுவும் லதா மங்கேஷ்கருடன் இணைந்து பாடும் அளவிற்கு, சல்மான் கானுக்காகப் பாடும் வரை.  

மற்ற இந்திய மொழி ஒன்றுமே தெரியாமல் தெலுங்கில் மட்டும் எஸ்.பி.பி பாடி இருந்தால் அவர் சாதனை அதோடு நின்றிருக்கும். மேலும் விரிந்து பரவி இருக்குமா? இருக்காது.   

பல மொழிகள் நம் நாட்டிற்குள் பேசப்படுகின்றன. உள் நாட்டில் ஒரு குடிமகன் மாநிலம் விட்டு மாநிலம் சென்று வசிக்கும் உரிமையை அரசியல் சட்டம் தருகிறது. ஆகையால் தாய் மொழியைத் தவிர உபயோகமான வேறு மாநில மொழியை – அதுவும் ஹிந்தியை – நம் நாட்டில் ஒருவர் கற்றுக்கொள்ள தயக்கம் காட்டினால், அல்லது முடியாமல் போனால், அவர் தமிழராகவும் இருந்துவிட்டால், என்ன அர்த்தம்? அவர் தமிழக அரசியல் கட்சிகளால், குறிப்பாக திமுக-வின் கடும் எதிர்ப்பால், கண் கட்டப்பட்டு காது குத்தப்பட்டு வஞ்சிக்கப்படுகிறார் என்று அர்த்தம். பல மொழிகளில் பாடிப் பெயர் வாங்கிய எஸ்.பி.பி, இதைப்  பக்கவாட்டில் உணர்த்துகிறாார். கட்டாயக் கடுக்கணைக் கழட்ட முடிந்தால் பல தமிழர்களும் இதைப் புரிந்து கொள்ளலாம். 

எஸ்.பி.பி-க்கு முன்னதாகத் தன் மந்திரக் குரலைப் பல மொழிகளில் நிரூபிக்க ஆரம்பித்த பாடகர், லதா மங்கேஷ்கர். ஹிந்தி பின்னணிப் பாடல்களின் அரசி. அவரது தாய் மொழி மராத்தி. ஆயிரத்துக்கும் மேலான ஹிந்தி மற்றும் பிற மொழிப் படங்களில் பாடி கின்னஸ் சாதனை புரிந்தவர். மற்ற இந்திய மொழிகள் ஒன்றிரண்டாவது அறிவதின் பயனை, இவரும் எஸ்.பி.பி-யும் அமோகமாக  அடைந்தவர்கள். 

     ஹிந்தி  தெரிந்ததால்  அல்லது  கற்றதால்,  லதா மங்கேஷ்கருக்கு மராத்தி மறந்து போனதா, அவர் மராத்தியில் பாடுவதை நிறுத்தி விட்டாரா? தமிழ் சரியாகக் கற்று தமிழில் பாடியதால் எஸ்.பி.பி-க்கு தெலுங்கு மறந்து விட்டதா, தெலுங்கில் பாடுவதை விட்டுவிட்டாரா? பிறகு ஹிந்தி சினிமாவுக்குப் பாட ஆரம்பித்ததும் அவருக்கு தமிழ்தான் மறந்து விட்டதா?  இல்லையே?  இதில் தமிழ் நாட்டிற்கும் ஒரு சேதி இருக்கிறது. 

அதிக தமிழ் நாட்டு இளைஞர்களை பள்ளிப் படிப்பின்போதே ஹிந்தி கற்க விடாமல் முடக்கி வைத்திருப்பதால் அவர்களுக்கு ஒரு லாபமும் இல்லை.  அதைச் செய்துவரும்  அரசியல் தலைவர்கள்தான் அதன் ரகசிய பலன்களை அனுபவிக்கிறார்கள்.   

          தமிழ்நாட்டு அரசியல் தலைவர்களின் பிடியில் சிக்காமல் கல்வியில் முன்னேறி பொருளாதாரத்திலும்  உயர விரும்பிய தமிழர்கள் அமெரிக்காவிலும் கனடாவிலும் வசிக்கிறார்கள். இங்கிலாந்திலும் உண்டு.  அங்கே அவர்கள் மொழியால் ஒன்றுபட்டு அந்த நாடுகளின் பல ஊர்களில் தமிழ்ச் சங்கங்கள் அமைத்திருக்கிறார்கள். அவற்றைத் துவக்கி அவர்கள் பலரையும் இணைத்தது அவர்களேதான், ‘தமிழ் வளர்க்கும்’  தமிழ்நாட்டுத் தலைவர்கள் அல்ல.   

நன்றாகப் படித்து, சுயமாக சிந்திக்கத் தெரிந்து, அடிப்படைத் தேவைக்கான வருமானமும் கிடைத்துவிட்டால், தமிழர்கள் தங்களது இயற்கையான மொழிப்பற்றை அவர்களாகவே பார்த்துக் கொள்வார்கள் – ஹிந்தி படித்தாலும் சரி, வேலைக்காக வேறு நாட்டுக்கே சென்றாலும் சரி. ஆனால் அந்த கௌரவமான தகுதிகள் அடித்தட்டு மக்களுக்கு எளிதாகக் கிடைக்காமல் ஐம்பது ஆண்டுகளுக்கு மேலாக அவர்களை சக்தியற்றவர்களாகவே வைத்திருப்பது  நம்மை ஆட்சி செய்த திராவிடக் கட்சித் தலைவர்கள். அப்படி அப்பாவியாகவே நிறையப் பேரை வைத்திருந்தால்தானே,  அவர்களிடம் எளிதாக ஓட்டு வாங்கலாம்?   

ஹிந்தி-எதிர்ப்பு வாசனை சேர்ந்து அரசியல் நெடி தூக்கலான மாநிலம் தமிழ் நாடு.  அதன் சினிமா உலகில் எஸ்.பி.பி தனது பாடல்களால் பெரும் வெற்றியும் புகழும் அடைந்தார்.  அவர் ஹிந்திப் பாடல்கள் பாடியதற்காக ஹிந்தி-எதிர்ப்பு அரசியல்வாதிகள் யாரும் அவரை  விமரிசிக்கவில்லை, எதிர்க்கவில்லை. பல மொழிகளில் அவர் பாடினார் என்பதை ஒரு பெருமையாகக் குறிப்பிட்டே திமுக அவருக்கான இரங்கல் செய்தியை வெளியிட்டது. 

தமிழ் சினிமாவில் இருந்துகொண்டே நீங்கள் ஹிந்திப் படங்களில் நடிக்கலாம், பாடலாம். நீங்கள் கல்வித் துறையில் நுழைந்தவரா? கொழுத்த கட்டணம் வசூலித்து ஹிந்தி சொல்லிக் கொடுக்கும் சி.பி.எஸ்.ஸி வழி தனியார் பள்ளிகளை தமிழ் நாட்டில் நடத்தலாம். தமிழராக இருந்துகொண்டு மற்ற மொழிகளில் டி.வி.சானல்களும் நடத்தலாம், அல்லது ஹிந்தி நன்றாகத் தெரிந்த தலைவர்கள் கொண்ட அகில இந்தியக் கட்சிகளுடன்  கூட்டணி வைத்து, மத்திய ஆட்சியில் மந்திரி பதவி பெற்று எல்லா வளமும் பெறலாம். எப்படி நீங்கள் பிரபலம் ஆனாலும் பணம் சேர்த்தாலும் – சரியான வழியிலோ வேறு வழியிலோ – தமிழ்நாட்டுப்   பொது வாழ்வில், அரசியல்வாதிகளின் பார்வையில், உங்களுக்குத் தனி மரியாதை கிடைக்கும்.  ஆனால் நீங்கள் சாதாரணத் தமிழராக மட்டும் இருந்துவிட்டால், உங்களுக்குத் தேர்தல் தினத்தன்று இருநூறோ முந்நூறோ கிடைக்கும். அவ்வளவுதான். அரசாங்கமோ கட்சித் தலைவர்களோ  உங்களைத் தூக்கிவிட மாட்டார்கள். 

ஐரோப்பாவைப் பாருங்கள். 27 உறுப்பினர் நாடுகளின் 24 மொழிகள் ஐரோப்பிய யூனியனின் அலுவல் மொழிகள்.   ஒற்றை தேசமான இந்தியாவின் நிலப்பரப்பு ஐரோப்பிய யூனியன் நாடுகளின் கூட்டு நிலப்பரப்பில் கிட்டத்தட்ட  முக்கால் அளவு. ஒரு தமிழர் ஹிந்தி மட்டும் கூடுதலாகக் கற்றுக் கொண்டால், ஒரு ஐரோப்பியர் இன்னும் எட்டு பத்து ஐரோப்பிய மொழிகளைக் கற்ற பலனுக்கு சமம் என்று கண் மூடிச் சொல்லலாம். அதாவது, ஒரு தமிழ் இளைஞருக்கு ஹிந்தி தெரிவதால் தமிழ்நாட்டிற்கு அப்பால் உள்ள பரந்த இந்தியப் பிரதேசத்தில் கிடைக்கும் தொடர்புகள், மனதளவில் அந்த மொழியறிவு தரும் கூடுதல் தன்னம்பிக்கை, வரும் வேலை வாய்ப்புக்கள் முக்கியமானவை, அசாத்தியமானவை. ஒரு ஹிந்தி இளைஞன் தமிழ் கற்பதை விட, ஒரு தமிழ் இளைஞன் ஹிந்தி கற்பது இன்னும் அதிகப் பயன் தருவது. 

திராவிடக் கட்சித் தலைவர்களிடம் ஒன்று சொல்லலாம். எஸ்.பி.பி. உதாரணத்தை விடுங்கள். குஜராத்தின் நரேந்திர  மோடி 2014-இல் இருந்து நாட்டின் பிரதமராக இருக்கிறார். அவர் ஹிந்திக்காரர் இல்லை.  இருந்தாலும்  அவர் நன்றாக ஹிந்தி கற்று மேடைப் பேச்சிலேயே சரளமாக ஹிந்தியில் பேசுகிறார். அவர் ஹிந்தி பேசுவதால் அவரது தாய்மொழி குஜராத்தி சீரழியவில்லை, குஜராத்தி மொழியைப் பாதுகாக்க அரசியல் பாதுகாவலர்கள் தேவைப்படவில்லை. தமிழுக்கு மட்டும் ஹிந்தியிடம் இருந்து என்ன ஆபத்து? இன்னொன்று. மோடிக்கு சரளமாக ஹிந்தி பேசத் தெரியாவிட்டால் அவர் தனது பலத்தில்  பிரதமர் ஆகி இருக்கவும் முடியாது. அப்படியானால் எக்காலத்திலும் தமிழ் நாட்டிலிருந்து ஒருவர் சொந்தக் காலில் நின்று பிரதமர் ஆகவே கூடாதா?  

சரி, மீண்டும் எஸ்.பி.பி-யை வைத்து கடைசியாக ஒரு வார்த்தை. அவர் தனது திறமையால், தனது முயற்சியால், தனது புத்திசாலித்தனத்தால் தனது பாட்டை வளர்த்துக் கொண்டார். தமிழக மக்களும் ஹிந்தி எதிர்ப்பிலிருந்து விடுபட்டு,  திராவிட அரசியல் கட்சிகளிடம் இருந்து தப்பித்து,  தங்கள் பாட்டைப் பார்த்துக் கொண்டால்தான் உண்டு. தமிழ் வாழ்க! தமிழர்களும் வாழ்க! 

* * * * *

 Copyright © R. Veera Raghavan 2020

Did Actor Suriya Commit Contempt of Court?

-- RVR

Did an action for criminal contempt lie against Tamil actor Suriya for his sharp comment against the judiciary earlier this month?  Let us take a look.

 

Eleven students from eleven states had petitioned the supreme court seeking a postponement of NEET – the entrance test for undergraduate medical admissions – that was scheduled for September 2020 after two prior postponements.  The reason urged was the continuing pandemic.  At the hearing on 17^th August 2020, the supreme court asked the petitioners, “COVID may continue for a year more. Are you going to wait for another year? Do you know what is the loss to the country and the career peril to the students?”. Not convinced with the petitioners’ plea, the supreme court dismissed their petition. So NEET was successfully held on 13^th September 2020, with about 15 lakh students writing the test across the country in over 4800 test centres.

 

Now to Suriya. He is a star in Tamil Nadu, with a huge fan base. He has a good image among large sections of the youth and is known for his charitable work, especially funding educational expenses of poor students, through a trust.  After NEET exam was held on 13^th September this year, he tweeted a lengthy statement in Tamil on the same day.  Here are some translated extracts from that statement.

 

“The suicide of three students on the same day arising from fear of NEET exam shakes the conscience…… It is distressing to note that students are compelled to write an exam and prove their mettle even amidst the coronavirus that causes fear of life.”   

 

“The government which has to create equal opportunities for all, brings in an educational system through a law that creates disparities. Those who do not know the realities of the poor and the downtrodden frame educational policies.”

 

And then, Surya fired his salvo against the judiciary in these words: “The court which ‘fears for life’ (the actual Tamil expression here means ‘fearing for their own lives’ – i.e., not for the lives of others) because of coronavirus and renders justice through video-conferencing, orders that students must go out without fear and write their exam.”

 

Suriya went on to emphasise his opposition and antipathy to the very idea of NEET – not merely for the reason that three stressed-out students took their own lives shortly before the date of the exam. He said this too in his statement: 

“Manu Needhi (meaning, justice or social code according to sage Manu) examinations like NEET not only rob our students of opportunities but also take away their lives ..…..”

 

A sitting judge of the Madras High Court wrote a letter to the chief justice of the court, expressing his opinion that Suriya’s comment on the judiciary amounted to contempt of court, warranting contempt proceedings. Unfortunately, that letter soon got leaked to the press and social media.  

 

A division bench of the Madras High Court – i.e., two judges – led by the chief justice deliberated on the question if Suriya’s comment on the judiciary required initiation of criminal contempt proceedings. They passed a detailed judicial order on the 18^th September 2020, holding that the matter did not deserve to be pursued.  Presently, the controversy seems legally settled. Still we may form our opinions.

 

The offence of criminal contempt alleged against Suriya chiefly falls under one of its three broad forms set out in The Contempt of Courts Act, 1971.  Considering his case alone, his comment on the judiciary would amount to criminal contempt if it:

 

(a) scandalises or tends to scandalise any court,

(b) or lowers or tends to lower the authority of any court.

 

In his statement of 13^th Sept 2020, Suriya strongly expressed himself against NEET and criticised the exam, even though the supreme court had earlier upheld its constitutional validity and cleared the way for the holding of NEET. It was apparent that Suriya had a grouse against NEET for his own reasons. 

 

Experts may know that on the issue of “scandalising the court” as against fair criticism, Lord Denning said: “It is the right of every man, in Parliament or out of it, in the press or over the broadcast, to make fair comment, even outspoken comment, on matters of public interest.  Those who comment can deal faithfully with all that is done in a court of justice……” These words of Lord Denning have also been quoted in the order of the Madras High Court dated 18^th September 2020 which closed the issue put against Suriya. How did the actor measure up to what Lord Denning said?

 

With three young misguided medical aspirants in Tamil Nadu taking their own lives shortly before 13^th September, Suriya actually gave vent to his stand-alone anti-NEET views.  His statement referred to the court (meaning, judges occupying seats of justice) in disparaging words, obviously because the court had upheld the Constitutional validity of NEET and further blocked an attempt to have the exam put off beyond 13^th September. So, his basic antipathy to NEET extended towards the court and judges too who had adjudged NEET as lawful and negatived a plea for its postponement beyond 13^th September.

Suriya’s extended antipathy towards the court on the NEET issue overtook him. So he said, “The court which ‘fears for life’ (the actual Tamil expression here means ‘fearing for their own lives’ – i.e., not for the lives of others) because of corona and renders justice through video-conferencing, orders that students must go out without fear and write their exam.” Here he made an accusation against the court, viz., the judges were adopting dishonest double standards. That is, the judges followed one standard for themselves by which they didn’t hold physical hearings and, fearing for their own lives and for safeguarding their lives, they held hearings of their cases through video-conferencing. But, as he meant clearly, judges had another set of standards for students whom they directed to be physically present at NEET exam centres to take their entrance test, exposing the students to the coronavirus and not caring for the lives of the students. Actually, no court “directed” students to attend NEET exam. The supreme court only refused to postpone it beyond September.

Suriya’s remarks cannot be construed as “fair comment” or even as “outspoken comment”.  Nor did he “faithfully” deal with what the courts did while adjudging the NEET issues or while dispensing justice during the pandemic in its many stages. He did not keep himself within the limits set out by Lord Denning when a court has to adjudge if he by his statement “scandalised the court” or “lowered the authority of the court”.   Here, in the words of Wilmot CJ, ‘authority’ does not mean “that coercive power of the Judges, but the deference and respect which is paid to them and their acts, from an opinion of their justice and integrity”. Hence it appears that Suriya’s offending comment did scandalise the court or did lower the authority of the court.

 

The order of the Madras High Court deciding not to initiate and pursue the contempt issue with Suriya sets out in detail, with statistics, how he was wrong on facts with regard to dispensation of justice in Tamil Nadu during the pandemic. It explains how courts in Tamil Nadu, including the high court, had functioned to the best of their capacity, from 24.3.2020 to 15.9.220.  The scenario in the rest of the country, as we can see, would be no better. If Suriya had been issued notice and asked to answer a charge of criminal contempt, he would find it hard to justify his accusations against the court and judges.  Now he has been spared of that botheration, and he could be feeling thankful.

Did not Suriya know the difference between students physically attending a 3-hour NEET exam on one day during the pandemic with all precautions, and lawyers, court staff and judges, and litigants and witnesses too, coming to court five days a week throughout the virus period in all courts? And which of the two events could be managed throughout with best precautions? It is hard to imagine that an intelligent Suriya could not appreciate the difference. He just let malice be his voice and attacked the integrity of judges.

Suriya deserves credit for all his charitable work. But he has no right to offend the judiciary in the hope that an aggressive anti-NEET stance could be rewarding in the muddy public sphere in Tamil Nadu, with all major political parties speaking against NEET all day. His comment on the judiciary was wrong. It was cheap. It was disparaging. It would surely appeal to thousands of his fans and could make them lose faith in the integrity of the judiciary. It most probably amounted to criminal contempt, for which the best course would be to issue a notice to Suriya, hear him and decide the case according to law.  

If Suriya’s reference to court and video-conference hearings in his statement was only to the supreme court and its hearings, and not to the Madras High Court and its hearings, then the supreme court alone will have jurisdiction to initiate or entertain a case of criminal contempt against the actor, and not the Madras High Court. Since the high court has, in its order, analysed his case in great detail on merits, the legal question if Suriya committed criminal contempt is examined here – whichever be the court that will have jurisdiction over the case.

The law of contempt of court is designed to protect the honour and dignity of judges who cannot be expected to engage in a dialogue with outsiders and counter any false accusations or baseless disparaging remarks hurled at judges.  Such protection is in the interest of the public, and is therefore regarded as protection for the public.  There is no law on “contempt of the prime minister” or “contempt of chief ministers” or contempt of political functionaries or other classes of people.  All these persons can go to court against their accusers or may trade charges in the open, within legal limits, but a sitting judge cannot and must not do all that.  Hence the need to protect the honour and dignity of our judges on such occasions, employing the court’s Constitutional and statutory powers to try and punish for contempt.  A court may not brandish those powers with gusto or too often, nor keep them tucked in always. Using them is a fine art.

* * * * *

Copyright © R. Veera Raghavan 2020

திராவிடக் கட்சிகளின் குரல்: தமிழ்நாட்டிற்கு நீட் வேண்டாம். வெட்கம், மானம், சூடு, சொரணையும் வேண்டாம்!

      

        -- ஆர்.வி.ஆர்  

மருத்துவ சேர்க்கைக்கான 'நீட்' நுழைவுத் தேர்வு, தமிழ் நாட்டிற்கு வேண்டாம் என்று திமுக தொடர்ந்து போராடுகிறது. அபத்தமாக இருந்தாலும், சுய லாபத்திற்காக எதையும் ஓங்கிச் சொல்வது திமுக-வின் குணாதிசயம்.  அனேக தமிழக அரசியல் கட்சிகளும் இதில் திமுக-வின் நிலையைப் பகிர்கின்றன - ஆளும் அதிமுக உள்பட.  ஆனால் திமுக-வின் குரல்தான் சத்தமானது.  

 

ஒவ்வொரு விஷயமாகப் பார்த்தால், 'தமிழகத்திற்கு நீட் தேர்விலிருந்து விலக்கு அளிக்கப் படவேண்டும்' என்ற கோரிக்கை அர்த்தம் இல்லாதது என்பது புலப்படும். மெள்ள மெள்ளக் கேள்விகளை எழுப்பலாம்.

 

மருத்துவப் படிப்புக்கான வருடா வருடத் தேர்வுகள் கடினமானவை. அந்தத் தேர்வுகளையே வெல்லப் போகும் மாணவர்களால், மருத்துவக் கல்லூரியில் சேர்வதற்கான நீட் நுழைவுத் தேர்விலும் தேர்ச்சி பெற முடியும் என்றுதானே ஆகிறது? ஒவ்வொரு மாநிலத்திலும், இருக்கிற மருத்துவ சீட்டுக்களை விடப் பல மடங்கு அதிக எண்ணிக்கையில் தான் நீட் தேர்விலும் மாணவர்கள் பாஸ் ஆகிறார்கள். பின் நீட் தேர்வினால் யாருக்கு என்ன பிரச்சனை? 

 

திமுக-வும் மற்ற எதிர்ப்பாளர்களும் என்ன காரணத்தினால் நீட் தேர்வைக் கண்டனம் செய்கிறார்களாம்? தங்கள் கோரிக்கையின் அபத்தம் வெளிப்படாமல் இருக்க, ஏதோ பரோபகாரம் தொனிக்கும் ஒரு காரணத்தைக் கற்பனை செய்து சுருக்கமாகச் சொல்கிறார்கள். அதாவது,  “ஏழை-எளிய, கிராமப்புற மற்றும் நகர்ப்புற மக்களுக்கு எதிரானது நீட் தேர்வு. பிளஸ்-2 வகுப்புத் தேர்வு மதிப்பெண் அடிப்படையிலேயே மருத்துவக் கல்லூரிகளுக்கான   மாணவர் சேர்க்கை நடைபெற வேண்டும்”  என்பதுதான் அந்தக் காரணமும் அவர்களின் நிலைப்பாடும்.  திமுக தலைவர்  ஸ்டாலினின் ஆகஸ்டு 25 அறிக்கையிலும் இது குறிப்பாக சொல்லப் பட்டிருக்கிறது.  மற்ற எதிர்ப்பாளர்களும் இதைத்தான் சொல்கிறார்கள்.

 

நீட் தேர்வு ஏன் ஏழை-எளிய மக்களுக்கு எதிரானதாம்? அதுவும் ‘கிராமப்புற மற்றும் நகர்ப்புற’ என்று அனைத்து ஏழை மக்களையும் ஏன் சேர்த்துச் சொல்கிறார்கள்? மாணவர்களின் பொருளாதார நிலையைக் குறித்துக்கொண்டு, வசதியான மாணவர்கள் நீட் தேர்வில் அளிக்கும் ஒரு சரியான பதிலுக்கு நாலு மார்க் வழங்கினால், வசதி குறைவான ஏழை எளிய மாணவர்களின் அதே பதிலுக்கு இரண்டு மார்க்தான் கொடுப்பார்களா? இல்லையே? அப்புறம் எப்படி நீட் தேர்வு ‘ஏழை-எளிய மக்களுக்கு எதிரானது’ என்று சொல்லலாம்?

 

‘வசதி படைத்த மாணவர்கள் மாதிரி,  ஏழை-எளிய மாணவர்கள் கடினமான நீட் தேர்வில் சரியான விடைகளை  அதிகம் அளித்து அதற்கேற்ற  அதிக மதிப்பெண் பெறமுடியாது, அதனால் நீட் தேர்வு ஏழை-எளிய மக்களுக்கு எதிரானது’ என்பதுதான் நீட் எதிர்ப்பாளர்கள் சொல்ல வருவது.  ஆனால் இது ஒரு பாசாங்கு வாதம், ஏமாற்றுப் பேச்சு, சுய லாப சிந்தனை.  

 

இந்த செப்டம்பர் 13-ம் தேதி நாடெங்கும் நடத்தப்பட்ட நீட் தேர்வு, நேஷனல் டெஸ்டிங் ஏஜென்சி (NTA) எனப்படும்  ஒரு விசேஷமான அரசு அமைப்பால் நடத்தப்பட்டது. தேர்வு வினாக்களையும் அந்த அமைப்பு தகுந்த வல்லுனர்களைக் கொண்டு உயர் தரத்தில் தயாரிக்கிறது. ப்ளஸ்-2 பள்ளிப் பாடங்களைப் படித்து அதற்கான தேர்வில் அதிக மதிப்பெண்கள் வாங்கினால் மட்டும் நீட் தேர்வில் அதிக மதிப்பெண்கள் பெற முடியாது. நீட் தேர்வில் வெற்றி பெற அதற்கான ஒரு பயிற்சி, அணுகுமுறை வேண்டும்.

 

நன்றாகப் படிக்கக் கூடிய மாணவர்களில் பணக்காரர்கள் இருக்கிறார்கள், ஏழை-எளியவர்களும் உண்டு. இரு பிரிவினரிலும் சுமாராக மட்டும் படிப்பு ஏறும் மாணவர்களும் உண்டு.   தனி டியூஷனுக்கு அவசியம் இல்லாமல், அரசு பள்ளிக் கூட கட்டமைப்பு நன்றாக இருந்து, சிறப்பாகப் பாடம் சொல்லிக் கொடுக்கும் ஆசிரியர்களும் நியமிக்கப் பட்டால், நன்றாகப் படிக்கக் கூடிய அந்த மாணவர்கள் இன்னும் அதிக மார்க்குகள்  வாங்குவார்கள். அவர்களில் தேவையானவர்களுக்கு, குறிப்பாக ஏழை-எளியவர்களுக்கு, அரசாங்கம் முடிந்தவரை நீட் தேர்வுக்கான நல்ல பயிற்சி அளிக்கலாம். இதுதான் நடைமுறை சாத்தியம்.  மற்றபடி, நீட் தேர்வில் ஒரு மாணவர் வெற்றி பெறுவது, பின் அவருக்கு மருத்துவக் கல்லூரியிலும் இடம் கிடைப்பது என்பது சக மாணவர்களுக்கு இடையே நடக்கும் போட்டியின் முடிவு, அவ்வளவுதான்.  எப்படி  இருந்தாலும், தமிழகத்தில் நீட் தேர்வை எதிர்க்கும் அரசியல் கட்சிகள் – அதுவும் பிரதான கட்சிகளான திமுக-வும் அதிமுக-வும் – இந்த விஷயத்தில்  சளைக்காமல் கபட நாடகம் ஆடுகிறார்கள்.

 

1967-ல் இருந்து ஐம்பது வருடங்களுக்கு மேலாக திமுக-வும் அதிமுக-வும் மாறி மாறி தமிழ் நாட்டை ஆள்கின்றன.  தற்போதைய நீட் தேர்வு வருடங்களில் நம் மாநிலத்தில் பிளஸ்-2 முடித்த ‘ஏழை-எளிய’ மாணவர்கள் தாங்களாக விரும்பி ஏழ்மையில் இல்லை. அவர்களின் பெற்றோர்கள் ஏழையாக இருப்பதால் அந்த மாணவர்களும் ஏழை-எளியவர்களாக இருக்கிறார்கள்.  அத்தகைய பெற்றோர்கள் 1967-ஐ ஒட்டிய வருடங்களில் பிறந்திருப்பார்கள், இப்போது ஐம்பது வயதிற்கு முன் பின் இருப்பார்கள்.

 

தமிழகத்தில் சுமார் ஐம்பது வயது வரையான ஏழைப் பெற்றோர்களை, அவர்களின் குழந்தைப் பருவத்திலிருந்து தொடர்ந்து ஏழைகளாக வைத்திருந்தது யார்? ஆட்சி செய்த  திமுக, அதிமுக கட்சிகளுக்கு அதில் மிகப்பெரும் பங்கு  உண்டே? அதனால்தானே அந்த ஏழைகளின் பிள்ளைகளும் இன்று ஏழைகளாக இருக்கிறார்கள்?

 

நீட் எதிர்ப்பின் மூலம் என்ன சொல்கின்றன இரு பெரிய திராவிடக் கட்சிகள்?  அவர்களது ஆட்சியில் ஐம்பது ஆண்டுகள் ஏழையாகவே வாழ்ந்த குடும்பங்களின் நிலைமை மாறப் போவதில்லை, வரும் ஐம்பது ஆண்டுகளிலும் இந்த திராவிடக் கட்சிகளின் ஆட்சிதான் தமிழகத்தில் தொடரும், ஆகையால் அவர்கள் கண்டெடுத்த ஏழைகளின் அடுத்த சந்ததிகளும் இன்னும் ஐம்பது ஆண்டுகளாவது ஏழையாகத்தான் இருப்பார்களாமா? அதுவரை தமிழகத்திற்கு நீட் தேர்விலிருந்து விலக்கு தேவைப்படுமா? இல்லை, வரும் பத்து-பதினைந்து ஆண்டுகளில் தமிழகத்தில் ஏழ்மையை ஒழிப்பார்கள், அதுவரை மட்டும் தமிழகத்திற்கு நீட் விலக்கு கிடைத்தால் போதும் என்பார்களா?  திராவிடக் கட்சிகளின் நீட் எதிர்ப்பு எவ்வளவு அர்த்தமில்லாதது, வெட்கமில்லாதது, விவேகமில்லாதது? நீட் தேர்வை ஏற்றுக் கொண்ட மற்ற மாநிலத்து மக்கள், மாணவர்கள், தமிழ் நாட்டைப் பார்த்து சிரிப்பார்களே என்கிற உணர்வும் இந்தக் கட்சிகளுக்கு இல்லை, இவர்களுக்கு ஆதரவு தருபவர்களுக்கும் இல்லை.  

 

இன்னொன்று. ‘ஏழை-எளிய’ மாணவர்களின் மருத்துவக்  கல்வி வாய்ப்புக்கு இப்படி உருகும் திராவிடக் கட்சிகள், அந்த இளைஞர்களின் பெற்றோர்களுக்கான சுகாதாரமான தங்குமிடம், உணவு, உடை, நல்ல வேலை வாய்ப்புகளுக்காக ஏன் உரக்கக் குரல் கொடுத்து அந்தத் தேவைகளை நிறைவேற்றவில்லை? அந்தப் பெற்றோர்களின் ஏழைப் பிள்ளைகளை டாக்டர்களாக்கி விட்டு, அந்த டாக்டர்களின் சம்பாத்தியம் மூலம் அவர்களின் பெற்றோர்களின் ஏழ்மையைப் போக்குவார்களாமா?  உருக்கம் காட்டுவதெல்லாம் உடான்ஸ்!

 

‘ஏழை-எளியவர்களுக்காக’ என்று கோரிக்கை வைத்தால், அது அபத்தமாக இருந்தாலும், சுய லாபத்துக்கான திரையாக இருந்தாலும், மற்றவர்கள் அந்தக் கோரிக்கையை எதிர்க்கத் தயங்குவார்கள், அந்த ஏழைகளின் ஏமாந்த ஓட்டும்  கிடைக்கும்   என்று திராவிடக் கட்சிகள் நினைக்கின்றன. அவர்கள் நினைப்பது ஓரளவு – ஓட்டு விஷயத்திலாவது – நடக்கும்.  

 

அறிவு கூர்ந்த, மிகத் திறமையான மாணவர்கள்தான் மருத்துவப் படிப்புகளில் சேர்க்கப் படவேண்டும். அவர்கள் மருத்துவர்கள் ஆனால்தான், அரசாங்க ஆஸ்பத்திரிகளில் அவர்கள் பணிக்கு வரும்போது அவர்களது சிறப்பான சேவை ஏழை நோயாளிகளுக்கும் கிடைக்கும். இதற்கு முதல் கட்டமாக வழி செய்யும் நீட் நுழைவுத் தேர்வு தமிழ் நாட்டிற்கு நல்லது.  இது அரசியல் சட்டப்படி செல்லும் என்று சுப்ரீம் கோர்ட்டும் கூறிவிட்டது.         

 

திராவிடக் கட்சிகளுக்கு அவர்களது  கோரிக்கையின் அபத்தம் தெரியாததல்ல. தாங்கள் வம்பு தும்பில்லாமல் வளர்வதற்காக அந்தக் கட்சிகளை   இந்த விஷயத்தில் ஆதரிக்கும் சில பிரபல மனிதர்களுக்கும் உண்மை நிலை புரியும்.  தமிழகத்தில் நீட் இல்லாமல் பிளஸ்-2 வகுப்பு மதிப்பெண் அடிப்படையில் மட்டும் மருத்துவ சேர்க்கை நடந்தால், பல பணக்கார மாணவர்கள் தனியார் மருத்துவக் கல்லூரிகளில் பல வழிகளில் சேருவார்கள் என்பது அந்தக் கட்சிகளுக்குத் தெரியும். அப்படியான சேர்க்கைகளில் பணத்திற்குப் பெரும் பங்கு உண்டு என்பதும் நமது அரசியல்வாதிகளுக்குத் தெரியும். அதில் தங்களது பங்கு என்ன என்பதும் நமது அரசியல்வாதிகளுக்குத் தெரியும்.  அந்த அரசியல்வாதிகள் யார் யாரென்று நீங்களும் ஊகிக்கலாம்.  வேறென்ன இருக்கிறது இதில்?   

 

* * * * *

 

Copyright © R. Veera Raghavan 2020

 

திமுக-வின் மறுபக்கம்!

        -- ஆர். வி. ஆர் 

‘இந்தி தெரியாது போடா’ என்ற வாசகம் முன்புறத்தில் அச்சடிக்கப்பட்ட புதிய டி.சர்ட், திமுக ஆதரவோடு அறிமுகம் ஆகிவிட்டது. பின்புற வாசகங்களை நாம் அறிமுகம் செய்யலாம். இன்னொரு பக்கமும் தெளிவாகத் தெரியட்டும்!

இந்தி தெரியாது போடா! இங்கிலீசும் தடவல்தாண்டா!

தாய் ‘மொளி’ ஆமா ‘தமிள்’டா! தப்பாத் தமிள் பேசுறது நாங்கடா!

தமிளை நாங்க வளக்கலை போடா! தமிளை வைச்சுப் பொளைக்கிறோம் போடா!

காதுல பூ சுத்துறோம் வாடா! களுதை மேக்க கத்துத் தறோம் வாடா!

ஓட்டு வந்தா பகுத்தறிவு போடா! ஓட்டில்லைன்னா நானும் இந்துதாண்டா!

* * * * *

Copyright © R. Veera Raghavan 2020